תנ"ך על הפרק
ישעיה כב
מַשָּׂ֖א גֵּ֣יא חִזָּי֑וֹן מַה־לָּ֣ךְ אֵפ֔וֹא כִּֽי־עָלִ֥ית כֻּלָּ֖ךְ לַגַּגּֽוֹת׃תְּשֻׁא֣וֹת ׀ מְלֵאָ֗ה עִ֚יר הֽוֹמִיָּ֔ה קִרְיָ֖ה עַלִּיזָ֑ה חֲלָלַ֙יִךְ֙ לֹ֣א חַלְלֵי־חֶ֔רֶב וְלֹ֖א מֵתֵ֥י מִלְחָמָֽה׃כָּל־קְצִינַ֥יִךְ נָֽדְדוּ־יַ֖חַד מִקֶּ֣שֶׁת אֻסָּ֑רוּ כָּל־נִמְצָאַ֙יִךְ֙ אֻסְּר֣וּ יַחְדָּ֔ו מֵרָח֖וֹק בָּרָֽחוּ׃עַל־כֵּ֥ן אָמַ֛רְתִּי שְׁע֥וּ מִנִּ֖י אֲמָרֵ֣ר בַּבֶּ֑כִי אַל־תָּאִ֣יצוּ לְנַֽחֲמֵ֔נִי עַל־שֹׁ֖ד בַּת־עַמִּֽי׃כִּ֣י יוֹם֩ מְהוּמָ֨ה וּמְבוּסָ֜ה וּמְבוּכָ֗ה לַֽאדֹנָ֧י יְהוִ֛ה צְבָא֖וֹת בְּגֵ֣יא חִזָּי֑וֹן מְקַרְקַ֥ר קִ֖ר וְשׁ֥וֹעַ אֶל־הָהָֽר׃וְעֵילָם֙ נָשָׂ֣א אַשְׁפָּ֔ה בְּרֶ֥כֶב אָדָ֖ם פָּֽרָשִׁ֑ים וְקִ֥יר עֵרָ֖ה מָגֵֽן׃וַיְהִ֥י מִבְחַר־עֲמָקַ֖יִךְ מָ֣לְאוּ רָ֑כֶב וְהַפָּ֣רָשִׁ֔ים שֹׁ֖ת שָׁ֥תוּ הַשָּֽׁעְרָה׃וַיְגַ֕ל אֵ֖ת מָסַ֣ךְ יְהוּדָ֑ה וַתַּבֵּט֙ בַּיּ֣וֹם הַה֔וּא אֶל־נֶ֖שֶׁק בֵּ֥ית הַיָּֽעַר׃וְאֵ֨ת בְּקִיעֵ֧י עִיר־דָּוִ֛ד רְאִיתֶ֖ם כִּי־רָ֑בּוּ וַֽתְּקַבְּצ֔וּ אֶת־מֵ֥י הַבְּרֵכָ֖ה הַתַּחְתּוֹנָֽה׃וְאֶת־בָּתֵּ֥י יְרוּשָׁלִַ֖ם סְפַרְתֶּ֑ם וַתִּתְֿצוּ֙ הַבָּ֣תִּ֔ים לְבַצֵּ֖ר הַחוֹמָֽה׃וּמִקְוָ֣ה ׀ עֲשִׂיתֶ֗ם בֵּ֚ין הַחֹ֣מֹתַ֔יִם לְמֵ֖י הַבְּרֵכָ֣ה הַיְשָׁנָ֑ה וְלֹ֤א הִבַּטְתֶּם֙ אֶל־עֹשֶׂ֔יהָ וְיֹצְרָ֥הּ מֵֽרָח֖וֹק לֹ֥א רְאִיתֶֽם׃וַיִּקְרָ֗א אֲדֹנָ֧י יְהוִ֛ה צְבָא֖וֹת בַּיּ֣וֹם הַה֑וּא לִבְכִי֙ וּלְמִסְפֵּ֔ד וּלְקָרְחָ֖ה וְלַחֲגֹ֥ר שָֽׂק׃וְהִנֵּ֣ה ׀ שָׂשׂ֣וֹן וְשִׂמְחָ֗ה הָרֹ֤ג ׀ בָּקָר֙ וְשָׁחֹ֣ט צֹ֔אן אָכֹ֥ל בָּשָׂ֖ר וְשָׁת֣וֹת יָ֑יִן אָכ֣וֹל וְשָׁת֔וֹ כִּ֥י מָחָ֖ר נָמֽוּת׃וְנִגְלָ֥ה בְאָזְנָ֖י יְהוָ֣ה צְבָא֑וֹת אִם־יְ֠כֻפַּר הֶעָוֺ֨ן הַזֶּ֤ה לָכֶם֙ עַד־תְּמֻת֔וּן אָמַ֛ר אֲדֹנָ֥י יְהוִ֖ה צְבָאֽוֹת׃כֹּ֥ה אָמַ֛ר אֲדֹנָ֥י יְהוִ֖ה צְבָא֑וֹת לֶךְ־בֹּא֙ אֶל־הַסֹּכֵ֣ן הַזֶּ֔ה עַל־שֶׁבְנָ֖א אֲשֶׁ֥ר עַל־הַבָּֽיִת׃מַה־לְּךָ֥ פֹה֙ וּמִ֣י לְךָ֣ פֹ֔ה כִּֽי־חָצַ֧בְתָּ לְּךָ֛ פֹּ֖ה קָ֑בֶר חֹצְבִ֤י מָרוֹם֙ קִבְר֔וֹ חֹקְקִ֥י בַסֶּ֖לַע מִשְׁכָּ֥ן לֽוֹ׃הִנֵּ֤ה יְהוָה֙ מְטַלְטֶלְךָ֔ טַלְטֵלָ֖ה גָּ֑בֶר וְעֹטְךָ֖ עָטֹֽה׃צָנ֤וֹף יִצְנָפְךָ֙ צְנֵפָ֔ה כַּדּ֕וּר אֶל־אֶ֖רֶץ רַחֲבַ֣ת יָדָ֑יִם שָׁ֣מָּה תָמ֗וּת וְשָׁ֙מָּה֙ מַרְכְּב֣וֹת כְּבוֹדֶ֔ךָ קְל֖וֹן בֵּ֥ית אֲדֹנֶֽיךָ׃וַהֲדַפְתִּ֖יךָ מִמַּצָּבֶ֑ךָ וּמִמַּעֲמָֽדְךָ֖ יֶהֶרְסֶֽךָ׃וְהָיָ֖ה בַּיּ֣וֹם הַה֑וּא וְקָרָ֣אתִי לְעַבְדִּ֔י לְאֶלְיָקִ֖ים בֶּן־חִלְקִיָּֽהוּ׃וְהִלְבַּשְׁתִּ֣יו כֻּתָּנְתֶּ֗ךָ וְאַבְנֵֽטְךָ֙ אֲחַזְּקֶ֔נּוּ וּמֶֽמְשֶׁלְתְּךָ֖ אֶתֵּ֣ן בְּיָד֑וֹ וְהָיָ֥ה לְאָ֛ב לְיוֹשֵׁ֥ב יְרוּשָׁלִַ֖ם וּלְבֵ֥ית יְהוּדָֽה׃וְנָתַתִּ֛י מַפְתֵּ֥חַ בֵּית־דָּוִ֖ד עַל־שִׁכְמ֑וֹ וּפָתַח֙ וְאֵ֣ין סֹגֵ֔ר וְסָגַ֖ר וְאֵ֥ין פֹּתֵֽחַ׃וּתְקַעְתִּ֥יו יָתֵ֖ד בְּמָק֣וֹם נֶאֱמָ֑ן וְהָיָ֛ה לְכִסֵּ֥א כָב֖וֹד לְבֵ֥ית אָבִֽיו׃וְתָל֨וּ עָלָ֜יו כֹּ֣ל ׀ כְּב֣וֹד בֵּית־אָבִ֗יו הַצֶּֽאֱצָאִים֙ וְהַצְּפִע֔וֹת כֹּ֖ל כְּלֵ֣י הַקָּטָ֑ן מִכְּלֵי֙ הָֽאַגָּנ֔וֹת וְעַ֖ד כָּל־כְּלֵ֥י הַנְּבָלִֽים׃בַּיּ֣וֹם הַה֗וּא נְאֻם֙ יְהוָ֣ה צְבָא֔וֹת תָּמוּשׁ֙ הַיָּתֵ֔ד הַתְּקוּעָ֖ה בְּמָק֣וֹם נֶאֱמָ֑ן וְנִגְדְּעָ֣ה וְנָפְלָ֗ה וְנִכְרַת֙ הַמַּשָּׂ֣א אֲשֶׁר־עָלֶ֔יהָ כִּ֥י יְהוָ֖ה דִּבֵּֽר׃
פירוש על הפרק
מַטַל נְבוּאֲתָא עַל קַרְתָּא דְיַתְבָא בְחֵילְתָא דְאִתְנַבִּיאוּ עֲלָהּ נְבִיַיָא מָה לְכוֹן כְּדֵין אֲרֵי סְלֵקְתּוּן כּוּלְכוֹן לְאִגָרַיָא:מִן קֳדָם אִתְרְגוּשָׁא דְאִתְמְלִיאַת קַרְתָּא מְשַׁבַּחְתָּא כְּרַכָּא חֲדָאָה קְטִילַיִךְ לָא אִתְקְטִילוּ בְחַרְבָּא וְאַף בִּקְרָבָא לָא מִיתוּ:כָּל שִׁלְטוֹנַיִךְ אִטַלְטַלוּ כַחֲדָא מִן קֳדָם מְתַח קַשְׁתָּא גְלוֹ כָּל דְאִשְׁתַּכַּח בִּיךְ אִיתְקְטְלוּ כַחֲדָא מֵרָחִיק עֲרַקוּ:עַל כֵּן אֲמַרֵית שְׁבוּקוּ מִנִי אֶבְכֵּי בִמְרָר לָא תִתְבְּעִיתוּ לְנַחֲמוּתִי עַל תְּבַר כְּנִשְׁתָּא דְעַמִי:אֲרֵי יוֹם רְגוּשׁ וְאִתְּדָשָׁא וּקְטוֹל קֳדָם יְיָ אֱלָהֵי צְבָאוֹת עַל קַרְתָּא דְיַתְבָא בְחֵילְתָא דְאִתְנַבִּיאוּ עֲלָהּ נְבִיַיָא מַבְלְשִׁין בָּתַּיָא מַקְפִין מִגְדְלַיָא בְּרֵישֵׁי טוּרַיָא:וְעֵילֵמָאֵי נְטָלוּ זְיָן בִּרְתָךְ אֱנָשׁ וְעִמֵהּ זוֹג פָּרָשִׁין וְעַל שׁוּר דְבַקוּ תְרֵיסִין:וַהֲוָה שְׁפַר מִשְׁרָךְ אִתְמְלִיאוּ רְתִיכִין וּפָרָשִׁין מְמַנָן עַל תַּרְעִין:וְגַלֵי יַת מַטְמוֹרִית בֵּית יְהוּדָה וְאִסְתְּכֵי בְּעִדָנָא הַהִיא עַל זְיַן בֵּית גִנְזֵי מַקְדְשָׁא:וְיַת פְּלוּגַת קַרְתָּא דְדָוִד חֲזֵיתוּן אֲרֵי סַגִיאַת וְכַנֵישְׁתּוּן יַת עַמָא לְמֵי בְרִיכְתָּא אַדְעִיתָא:וְיַת בָּתֵּי יְרוּשְׁלֵם מְנִיתוּן וְתָרַעֲתּוּן בָּתַּיָא לְתַקָפָא שׁוּרָא:וּמִקְוַיָא עֲבַדְתּוּן בֵּין שׁוּרַיָא לְמֵי בְּרֵכְתָּא עַתִּיקְתָּא וְלָא אִסְתַּכַּלְתּוּן בִּדְעָבְדָהּ וְדֵי בְרָאָהּ מִלְקָדְמִין לָא חֲזֵיתוּן:וְאַכְלֵי נְבִיָא דַייָ אֱלֹהִי צְבָאוֹת בְּיוֹמָא הַהוּא לְמִבְכֵּי וּלְמִסְפֵּד וּלְגִזוּז רֵישׁ וּלְמֵיסַר סַקִין:וְהָא בִּיַע וְחֶדְוָה אָמְרִין נִקְטוֹל תוֹרִין וְנִנְכַס עָאן נֵיכוּל בְּסַר וְנִשְׁתֵּי חֲמַר נֵיכוּל וְנִשְׁתֵּי מִדִנְמוּת לָא נְחֵי:אֲמַר נְבִיָא בְאוּדְנִי הֱוֵיתִי שְׁמַע כַּד אִתְגְזַר דָא מִן קֳדָם יְיָ צְבָאוֹת אִם יִשְׁתְּבַק חוֹבָא הָדֵין לְכוֹן עַד דִי תְמוּתוּן מוֹתָא תִנְיָנָא אֲמַר יְיָ אֱלֹהִים צְבָאוֹת:כִּדְנֵן אֲמַר יְיָ אֱלֹהִים צְבָאוֹת אֱתָא אֱזֵיל לְוַת פַרְנָסָא הָדֵין לְוַת שֶׁבְנָא דִי מְמַנָא עַל בֵּיתָא:וְתֵימַר לֵיהּ מַה לָךְ כָּא מַה לָךְ כְּדֵין אֲרֵי אַתְקְנִית לָךְ כָּא אֲתַר אַתְקִין בְּרוּמָא אַתְרֵהּ שַׁוֵי בְּכֵיפָּא בֵּית מְדוֹרֵהּ:הָא יְיָ מְטַלְטְלָךְ טִלְטוּל דְגַבְרָא וְתַחֲפִינָךְ בַּהֲתָא:יַעְדֵי מִנָךְ יַת מִצְנֶפְתָּא וְיַקִיפוּנָךְ בַּעֲלֵי דְבַב כְּשׁוּר מַקַף וְיַגְלוּנָךְ לְאַרְעָא פְתַיוּת יְדַיִין תַּמָן תְּמוּת וּלְתַמָן רְתִיכֵי יְקָרָךְ יְתוּבוּן בְּקָלָן עַל דְלָא נְטַרְתָּא יְקָר בֵּית רִבּוֹנָךְ:וְאַדְחִינָךְ מִמְקוֹמָךְ וּמִשַׁמוּשָׁךְ יְמַגְרִינָךְ:וִיהֵי בְּעִדָנָא הַהִיא וְאַרְבֵּי לְעַבְדֵי לְאֶלְיָקִים בַּר חִלְקִיָהוּ:וְאַלְבְּשִׁנֵיהּ כִּתּוּנָךְ וְהֶמְיָנָךְ אֲזַרְזִנֵהּ וְשׁוּלְטָנָךְ אֶתֵּן בִּידֵהּ וִיהֵי לְאַב לְיַתְבֵי יְרוּשְׁלֵם וּלְבֵית יְהוּדָה:וְאֶתֵּן מַפְתֵּחַ בֵּית מִקְדְשָׁא וְשׁוּלְטַן בֵּית דָוִד וְיִפְתַּח וְלֵית דְאָחִיד וְיֵיחוֹד וְלֵית דְפָתַח:וְאֶמַנִנֵיהּ אַמַרְכֶּל מְהֵימָן מְשַׁמֵשׁ בַּאֲתַר קַיָם וִיהֵי לְכוּרְסֵי יְקָר לְבֵית אֲבוּהִי:וְיִסְתַּמְכוּן עֲלוֹהִי כָּל יַקִירֵי בֵית אָבוּהִי בְּנַיָא וּבְנֵי בְנַיָא מֵרַבְרְבַיָא וְעַד דְעַדְקַיָא מִכַּהֲנַיָא לָבְשֵׁי אֵפוֹדָא וְעַד בְּנֵי לֵוִי אֶחֲדֵי נִבְלַיָא:בְּעִדָנָא הַהִיא אֲמַר יְיָ צְבָאוֹת יַעְדֵי אַמַרְכֶּל מְהֵימָן דִי מְשַׁמֵשׁ בַּאֲתַר קַיָם וְיִתְקַטֵף וְיִפוֹל וְתִבְטַל מְטַל נְבוּאֲתָא דִי עֲלוֹהִי אֲרֵי בְמֵימְרָא דַייָ גְזַר כֵּן:
תוכן עניינים
ניווט בפרקי התנ"ך
